Jasur Abduraimov: "Arveladzening jamoaga kelishi mish-mish emas"

- O'yin jihatdan "Nasaf"ga maqtovli so'zlarni aytishim mumkin. Ular zamonaviy futbol namoyish etishadi. "Nasaf" murabbiylar shtabini alohida ajratib ko'rsatishim mumkin. Ular tanlagan o'yin uslubi chiroyli. Biz bugun xarakter ko'rsatdik va muhim g'alabaga erishdik. Futbolchilar bugun maydonda borlarini berib harakat qilishdi.

- Terma jamoadagi o'yini tufayli Sergeev, Lobanov, Andreev singari futbolchilarga tanqid ancha kuchaygan. Ushbu bosim ularni charchatib qo'ymayaptimi?

- Bu haqida o'ylayversa, odam aqldan ozishi mumkin. SHuni aytishim mumkinki, ular ayni paytda bizning jamoada eng yaxshilar sanalishadi. Bizda boshqa tanlov ham yo'q.

- Behruz Sadillaevning debyuti haqida qanday fikrdasiz?

- Futbolda psixologiya juda muhim. Bugun Sadillaev o'yinga juda yaxshi kirishib ketdi. Qiyin pallada maydonga tushishiga qaramasdan maydonda yo'qolib qolmadi. Behruz Sadillaev haqida juda iliq fikrdaman.

- SHota Arveladzening jamoa ruliga kelishi haqida mish-mishlarga qanday qaraysiz?

- Bu mish-mish emas. Bu haqiqat. SHota Arveladze ayni paytda Toshkentga kelgan va deyarli ishga kirishishgan. Ular futbolchilarni ko'rib borishmoqda, jamoa bilan yaqinan tanishib chiqishmoqda. Menga xorijlik mutaxassis kelishi haqida avvaldan aytashgandi. Yangi murabbiy ikkinchi davradan boshlab jamoani boshqaradi. Men "Paxtakor"dagi qisqa faoliyatim davomida yaxshigina tajriba ega bo'ldim.