Ro'ziqul Berdiev: "Davralar oralig'ida yangiliklar bo'ladi"
/ Kiritdi: BestMaster O'qilgan: 1147
Oliy liganing 14-turi markaziy uchrashuvi "Paxtakor" - "Nasaf" (2:1) o'yinidan keyin tashkil etilgan matbuot anjumanining ikkinchi qismida "ajdarlar" bosh murabbiyi Ro'ziqul Berdiev ishtirok etdi.
- Uchrashuv keskin kurashlar, teng kurashlar ostida o'tdi. Birinchi bo'limdagi yaratilgan vaziyatlarni golga aylantira olmadik. Ikkinchi taymda esa birinchi golda himoyachilarimiz diqqatni yo'qotishdi. Umumiy o'yinni oladigan bo'lsak, bir qator vaziyatlar yarata oldik. Ammo ushbu vaziyatlardan foydalanish koefficienti bizga pand bermoqda. Kamchiliklarimiz ustida ish olib boramiz.
Biz himoyadagi bu kabi xatolarimizni takrorlamasligimiz kerak.
"Paxtakor"ning standart vaziyatlari xavfli bo'lishini bilardik va buni futbolchilarga takidlagandik. Ammo bugun birinchi golni aynan standart vaziyatidan keyin o'tkazib yubordik. Ikkinchi gol esa Karimovning individual mahorati evaziga kiritildi.
Ikkinchi davrada jamoa tarkibini kuchaytirishimiz kerak. Busiz iloji yo'q. CHunki jamoadagi yoshlar barqaror o'yin ko'rsata olmayapti. Biz rahbariyatga ushbu masalani ko'taramiz. Hujum chizig'imizni kuchaytirishimiz zarur. Krasichni jamoaga qaytarish istagi bor. Davralar oralig'ida yangiliklar bo'ladi.
Bosh sahifaga
266