Bugun ftubol. Oxirgi o'rinda borayotgan "Obod" ketma-ket uchta mag'lubiyatga uchragan jamoa mehmoni bo'ladi
/ Kiritdi: BestMaster O'qilgan: 744
Bugun oliy liganing 14-turidan o'rin olgan beshta uchrashuv bo'lib o'tadi. "SHo'rtan" o'z maydonida "Obod" bilan kuch sinashadi.
Ketma-ket mag'lubiyatlar "SHo'rtan"ni 14-o'ringa tushirib yubordi. Bu jamoa oxirgi ettita o'yindan faqat bittasida g'olib chiqib, olti bor imkoniyatni boy berdi. "Obod" esa atigi 9 ochko bilan haton oxirgi o'rinda kelmoqda.
"SHo'rtan" o'z maydonida kuchli klublarni engdi va bu haqda ko'p gapirildi. Ammo o'rtamiyonalar bilan hatto durang o'ynay olmayapti. "SHo'rtan" G'uzorda sakkizta o'yinda maydonga tushgan bo'lsa, shundan to'rttasida g'alabaga erishgan va to'rt marta yutqazib qo'ygan. To'plar nisbati 10-8.
"Obod"ga kelsak, bu jamoa "Jar" stadionida "Dinamo"ni mag'lub etganidan beri keyingi ikki uchrashuvni yutqazib qo'ydi. Qolaversa, Rauf Inileev shogirdlari mana shu ikki o'yinda atigi bitta gol urib o'z darvozalaridan esa ettita to'p o'tkazib yuborishdi.
"Obod" hozircha safarda bir marta g'alaba qozongan. Jamoa "Buxoro"ni mag'lub etib qaytgan. Qolgan oltita o'yinda esa yutqazib qo'ygan. To'plar nisbati 2-15.
"SHo'rtan"ning hozirgi holati yaxshi emas, negaki jamoa oxirgi uch uchrashuvni mag'lubiyat bilan yakunladi. Qizig'i, shu mag'lubiyatlardan ikkitasi uydagi o'yinlarda ro'y berdi. Jamoa avvaliga "Olmaliq", keyin "Nasaf" qarshiligini enga olmadi.
Bosh sahifaga
220
