Bugun futbol. Oltita o'yindan beri g'alaba qozonmayotgan "Navbahor" oxirgi uch o'yinda yutgan jamoani qabul qiladi
/ Kiritdi: BestMaster O'qilgan: 921
Bugun oliy liganing 14-turidan o'rin olgan beshta bahs bo'lib o'tadi. "Navbahor" o'z maydonida "Olmaliq"qa qarshi to'p tepadi.
Bu o'yin ikkala jamoa uchun ham muhim. Ayniqsa, "Navbahor" bugun faqat uch ochkoni ko'zlab harakat qiladi. CHunki jamoa oxirgi oltita uchrashuvda g'alaba qozona olmadi: to'rt durang, ikki mag'lubiyat. SHunday bo'ldiki, "Navbahor" ketma-ket to'rtta bellashuvni durang bilan yakunladi.
"Olmaliq"qa kelsak, bu jamoaning ishlari yaxshi ketyapti. Viktor Kumikov shogirdlari qatorasiga 9 o'yindan beri mag'lubiyatga uchrashmadi. Bundan tashqari, jamoa oxirgi uch o'yinni faqat g'alaba bilan tugatdi. "Olmaliq" o'z maydonida "Metallurg" va "Paxtakor", safarda "SHo'rtan" klublarini mag'lub etdi.
Yana bir qiziq jihati shuki, "Olmaliq" ketma-ket besh o'yindan beri o'z darvozasidan to'p o'tkazmayapti. Umuman olganda, bu jamoa shu paytgacha safarda ikki bor zafar quchgan. Yana ikki marta durang o'ynagan bo'lsa, uchta o'yinda yutqazib qyo'gan. To'plar nisbati 5-10.
"Navbahor" bugun o'z maydonida sakkizinchi o'yinini o'tkazadi. Avvalgi o'yinlarda namanganliklar mag'lub bo'lishmagan: uch g'alaba, to'rt durang. To'plar nisbati 9-6. "Navbahor" uy bellashuvlarida hozircha 13 ochkoli bo'lgan.
Bilasizmi? "Navbahor" oxirgi uchta uy uchrashuvini durang bilan yakunladi. Jamoa o'z maydonida "Lokomotiv", "Bunyodkor" va "Qo'qon-1912" bilan durang qayd etdi.
Bosh sahifaga
98