Prevyu: "Mashal" - "Paxtakor"

"Mashal" oxirgi uchrashuvlarda muhim ochkolarni qo'lga kiritib, turnir jadvalida yuqorilashga erishdi. O'z maydonida ushbu jamoa etakchilarga jiddiy muammo yaratadi.

Oliy liga tarixida jamoalar 29 o'yin o'tkazgan. 20 bahsda "Paxtakor", 4 bellashuvda "Mashal" g'olib bo'lgan. 5 uchrashuvda durang qayd etilgan. To'plar nisbati "Paxtakor" foydasiga - 57:19.

"Mashal" o'z maydonida bo'lib o'tgan uchrashuvlarda "sherlar"ni 3 bor taslim qilgan. Jamoamiz safarda 7 bor g'alaba qozongan va 4 marta durang o'ynagan.

Birinchi davrada Toshkentdagi o'yinda "sherlar" g'alaba qozongan. Stanislav Andreevning dubli va Kaxi Maxaradzening urgan goliga "Mashal"dan Zafar To'raev javob bergandi - 3:1.

Yoshlar tarkiblari bellashuvi 30 oktyabr, juma kuni soat 15:00da boshlanadi. Asosiy jamoalar uchrashuvi 31 oktyabr, shanba kuni Muborakdagi Bahrom Vafoev nomli stadionda 16:00da start oladi.

"MASH'AL" - "PAXTAKOR"

Hakamlar: Rustam Bobomurodov (Navoiy), Husniddin SHodmonov (Buxoro), Obid Jumaev (Navoiy), Olim To'ychiboev (Toshkent).

Nazoratchi: G'ayrat Karimov (Toshkent).