Qashqadaryo viloyati chempionati. “Novqat-CITY” “Qarliq”ning mag'lubiyatsiz seriyasiga chek qo'ydi

Mazkur turda peshqadam ”Qarliq” jamoasi safarda birinchi marta ochko yo'qotdi.Dastlabki 5-turda mag'lubiyat nimaligini bilmay kelayotgan muborakliklar juma kuni 6-tur doirasidagi bahsda  “Novqat- CITY”mehmoni bo'lib, kichik 1:0 hisobida mag'lubiyat alamini tortib ko'rishdi. Kasbiliklar kiritilgan g'alabadan so'ng 13 ochko bilan turnir karvonboshiga aylanib olishdi.

Mazkur uchrashuvdan so'ng mezbonlar sardori Mirjalol Xasanov o'z fikrlarini bildirdi:

-Bugun bahs ko'rgangizdek, qiziqarli kechdi. Raqiblarimiz bor kuchlari bilan xavfli hujumlar tashkil etish borasida bizga nisbatan  ancha faol harakat qilishdi. Ammo butun o'yin davomida darvozabonimizning bexato harakatlari evaziga darvozamiz daxlsizligi saqlab qolindi. Mazkur bahsda bizni qullab-quvvatlagan muxlislarimizga va mahalladagi barcha homiylarimizga o'z minnatdorchiligimizni bildiramiz. Keyingi tur bahslarida ham zafarli yurishlarimiz davom ettiramiz- dedi Mirjalol Xasanov.

Muborakning yana bir jamoasi “Mashal-FM”jamoasi o'z maydonida “Turon” jamoasini qabul qildi. Ushbu bahsda “Mashal”futbol maktabi tarbiyalanuvchilari raqiblarini yirik 6:1 hisobida taslim etishdi.
Muborakliklar 12 ochko jamg'argan holda, turnirning 3-pog'onasiga ko'tarilib olishdi.

“Zafar”-“Ko'kdala” jamoalari o'rtasidagi bahsda hisob ochilmadi. 0:0

QASHQADARYO VILOYATI CHEMPIONATI.
6-tur. 17 iyun (SHanba)
 Novqat-CITY-Qarliq -1:0
Mashal-FM-Turon-6:1
Zafar-Ko'kdala-0:0
Nishon-Qarshi- 2:1

NAVBATDAGI UCHRASHUVLAR
7-tur. 21 iyun (CHorshanba)
Navbahor-Mashal-FM
Ko'kdala-Semurg'
Olimpiya-Hisor
Turon-SHo'rtan-FM
22 iyun (Payshanba)
Qarliq-Zafar
Neftchi-Qarshi
Nasaf-FM-Nishon
CHiroqchi-Novqat- CITY

Faxriddin CHoriev