Nahotki? "Navbahor"ning g'alabasiz seriyasi ettita o'yinga etdi
/ Kiritdi: BestMaster O'qilgan: 873
Oliy liganing 14-turida "Navbahor" o'z maydonida "Olmaliq"ni qabul qilib 1:1 hisobida durang o'ynadi.
O'yinning 83-daqiqasida Nemanya Yovanovich gol urganidan so'ng maydon egalari g'alabaga juda yaqin turishgandi. Biroq 90+2-daqiqada SHavkat Mullajonov to'p kiritgach, bahs durang bilan yakun topdi.
SHu tariqa, "Navbahor"ning ketma-ket g'alabasiz seriyasi ettita o'yinga etdi. Bu jamoa so'nggi bor 7-turda "SHo'rtan" ustidan 1:0 hisobida g'alaba qozongandi. Keyingi uchrashuvlarda "Navbahor" beshta durang o'ynab, ikki bor mag'lub bo'ldi. Qizig'i shundaki, jamoa o'z maydonidagi oxirgi to'rt uchrashuvni durang bilan yakunladi.
"Navbahor" o'z uyida "SHo'rtan"ni mag'lub etganidan so'ng "Lokomotiv", "Qo'qon-1912", "Bunyodkor" va "Olmaliq" klublari bilan durang o'ynadi. Qiziq jihati, mana shu to'rtta bahsdan uchtasi 1:1 hisobi bilan tugadi.
Lekin ikkinchi tomondan "Navbahor" o'z maydonidagi o'yinlarda mag'lub bo'lmadi. "Navbahor"dan tashqari o'z maydonida hali yutqazmagan yana uchta jamoa bor - "Lokomotiv", "Nasaf" va "Olmaliq". Ilhom Mo'minjonov shogirdlari birinchi davraning oxirgi uchrashuvini safarda "Nasaf"ga qarshi o'tkazishadi. Bu o'yin 25 iyun kuni bo'lib o'tadi.
Bosh sahifaga
219