"Navbahor": Muxlislar uchun iftorlik tashkil etildi

Klub qarorgohida tashkil etilgan tadribga jamoaning faxriy va faol muxlislari taklif etildi. Dasturxon atrofida ishqibozlar “Navbahor” jamoasining birinchi davradagi ishtirokini muhokama qilishdi. Iftorlik dasturxoni so'nggida jamoa bosh murabbiyi Ilhom Mo'minjonov bilan uchrashib o'zlarini qiziqtirgan savollariga javob olishdi. Bosh murabbiyimiz davralar oralig'ida tarkibda bir qator o'zgarishlar ro'y berishini aytib o'tdi. Birinchi davrada jamoa sharafini himoya qilgan ayrim o'yinchilarga javob berilishini bildirib ularning o'rni munosib futbolchilar bilan to'ldirilishini malum qildi.

Iftorlik dasturxoni yakunida Quron tilovat qilindi. Yoshi ulug' muxlislar duoga qo'l ochib, jamoaning kelgusi o'yinlarida muvaffaqiyat yor bo'lishiga tilak bildirib ko'rsatilgan hurmat ehtirom uchun minnatdorchilik bildirishdi.