“Bunyodkor” – “Lokomotiv”. O'zaro uchrashuvlar tarixi haqida

Ushbu ikki grand klubning o'zaro o'yinlari tarixiga nazar solsak, “Lokomotiv” “Bunyodkor”ga qarshi ichki chempionatimiz doirasida 18 marta o'yin o'tkazgan. O'yinlarning 8 tasi “qaldirg'ochlar” foydasiga, 5 tasi esa “temiryo'lchilar” foydasiga hal bo'lgan. Yana 5 ta o'yin durang bilan tugagan.

O'zaro uchrashuvlarda “Lokomotiv” futbolchilari “Bunyodkor” darvozasiga 19 ta gol kiritib, 25 marta o'z darvozalaridan to'p olib chiqishgan.

“Lokomotiv” jamoasining ushbu raqib ustidan qozongan eng yirik hisobidagi g'alabasi – 3:0 2015-yilgi mavsumning birinchi davrasida qo'lga kiritilgan.

Yana bir diqqatga sazovor jihat shundan iboratki, “Bunyodkor” futbolchilari so'nggi bor “Loko” darvozasini 2014 yilning 28 avgustida ishg'ol qilishgandi. SHundan buyon o'tkazilgan 4 ta o'yinda “Lokomotiv” darvozasi daxlsiz qo'riqlanib kelmoqda. Ushbu 4 o'yinda “Lokomotiv” vakillari raqib darvozasiga 5 ta gol urib, biror marta ham gol o'tkazib yuborishmagan.

 

“Bunyodkor” – “Lokomotiv”.

O'zaro o'yinlari – 18 ta

G'alabalar – “Bunyodkor” – 8 ta, “Lokomotiv” – 5 ta

Duranglar – 5 ta

Urilgan gollar – “Bunyodkor” 25 ta, “Lokomotiv” 19 ta

Eng yirik g'alaba – “Bunyodkor” 4:0, “Lokomotiv” 3:0

Musobaqa jadvalidagi o'rni – “Bunyodkor” 13, “Lokomotiv” 1.