Usmon Toshev: “Yaxshi himoyalanyapmiz lekin qarshi hujumda oqsayapmiz”

Ushbu uchrashuvdan so'ng “Andijon” jamoasi bosh murabbiyi Usmon Toshev o'z fikrlarini bildirdi.

“Yangier” jamoasiga qarshi uchrashuvning ikkinchi bo'limida shogirdlarimdan umuman boshqacha o'yin kutgandim. Jamoaga kelganimga ko'p bo'lmadi. Qisqa vaqt ichida futbolchilarni o'yinga har tomonla tayyorlab bo'lmaydi. Lekin men shunga harakat qilyapman. Futbolchilarimizning 4tasida qizil kartochka 4tasida sariq kartochkasi bor edi. Ular maydonda qo'rqib o'ynashmoqda. Lekin bu bahona emas. Bilmayman nimagadur ushbu bahsda futbolchilarda biroz xayajon bo'ldi. Avvalgi turda “Istiqlol” jamoasiga qarshi uchrashuvda biroz erkinroq o'yin o'tkazgandik. Biz umuman boshqacha o'yin ko'rsatishimiz kerak edi. 

Lekin markazda ko'proq to'pni raqiblarga oldirib qo'ydik. O'ng va chap qanot chizig'imiz faol o'yin ko'rsatmadi. Bunga nima sabab bo'ldi bilmayman. Hujumlarimiz juda ham yomoq chiqdi. Mashg'ulotlarda hammasi alo darajada edi. O'yin vaqtida jamoani umuman tanimay qoldim. Ularni xayajon bosdimi yoki boshqa sababi bormi bilmayman. Yahshi himoyalanyapmiz lekin qarshi hujumda oqsayapmiz. Gol urmagan jamoa g'alaba qozonmaydi. Bu futbol. Kimdur g'alaba qozonadi yana kimdur mag'lub bo'ladi. Qolgan uchrashuvlarda g'alaba qozonishga harakat qilamiz", - deydi "Andijon" bosh murabbiyi Usmon Toshev