Arbeloa nega faoliyatini 34 yoshda yakunlayotgani haqida gapirib berdi

"Ko'pchilik mendan faoliyatimni davom ettirishimni so'rab, yaxshi formadaligimni aytishdi, ammo gap bunda emas. Men uchun futbol - har kunlik kurash, har bir o'yinda va har bir mashg'ulotda bellashishingiz lozim.

Faoliyatimni AQSH yoki Xitoyda davom ettirish menga qiziq emas. Oyoqlarim meni ushlab turgunicha futbol o'ynayman deb o'ylagan edim, biroq psixologiya o'z so'zini aytdi. O'tgan mavsum o'zim istagandek bo'lmadi, shu sababli o'zimni aldamasligim lozim" - deydi Arbeloa.

34 yoshli Arbeloa "Real" tarbiyalanuvchisi hisoblanadi. U faoliyati davomida "Deportivo", "Liverpul", "Vest Xem" sharafini himoya qilgan.