"SHo'rtan" Toshkent grandlarini mag'lub etgan Ixtiyor Karimovni istefoga chiqardi

"SHo'rtan"ning birinchi davra ko'rsatkichlarini qoniqarsiz deb topgan klubning yangi rahbariyati  15-tur doirasida bo'lib o'tgan “Qizilqum” - “SHo'rtan” uchrashuvidagi mag'lubiyatdan so'ng, jamoa bosh murabbiy vazifasini vaqticha bajarib kelgan, klub texnik direktori – Ixtiyor Tog'aevich Karimovni, murabbiylar – Komil Jo'raev hamda Botir Qodirqulovlarni egallab turgan vazifalaridan ozod etdi.

“SHo'rtan” jamoasiga yangi murabbiylarni jalb qilish masalasi tez kunlarda ko'rib chiqiladi.

Hozircha, “oq bo'rilar”ga birinchi davra yakuni munosabati bilan malum muddatga qisqa tanaffus elon qilindi.

"SHo'rtan" jamoasining asosiy tarkibida ham yangiliklar bo'lishi rejalashtirilmoqda.

“SHo'rtan” jamoasi bilan bog'liq barcha o'zgarishlar tafsiloti haqida saytimiz orqali xabar berib turamiz.

Eslatib o'tamiz, bunga qadar "SHo'rtan" klubi rahbariyati mavsum avvalida Aleksandr Volkovni ham istefoga chiqarishgandi.

Bu istefo joriy mavsumdagi ikkinchisi bo'ldi.

Hozircha klubda hech qanday kengash majlisi bo'lib o'tgani yo'q. Katta ehtimol bilan bugun kechda klub rahbariyati yangi bosh murabbiy va boshqa bir qator masalalar bo'yicha majlis o'tkazishi kutilmoqda.