No'mon Hasanov: "Mahorat bobida ustunlik qildik"

"Bugungi o'yin juda ham og'ir kechdi. CHunki "Mashal" bugun ham eng yaxshi jihatlarini ko'rsatdi. Bu jamoa "Bunyodkor"ga qarshi ham ajoyib o'yin ko'rsatgan edi. Raqib jismoniy tomondan ham kuchli ekan. SHunga qaramay bizni jamoa chempion hisoblanadi va mahorat bobida ustunlik qildik. Birinchi gol urganimizdan so'ng ikkinchi golni ham urishimiz shart edi. SHu bois oldingi chiziqda o'yin ko'rsatdik. Juda ko'plab imkoniyatlarni yo'qqa chiqardik. O'tkazib yuborgan golimiz o'yinni oxirini juda ham asabiy kechishiga sabab bo'ldi. O'z o'rniga amalga oshirilgan o'zgarishlar ham samarasini berdi. To'rtta himoyachimiz ham oldinga o'tdi. Omad bizga kulib boqdi va g'alaba qozondik", - deydi No'mon Hasanov

"Hamma o'yin bizga qiyin kechmoqda. "Dinamo"ga qarshi o'yindan boshqa hammasini og'ir uchrashuv deb aytardim. Hali oldinda ikki muhim uchrashuv bor. Har ikki o'yinda ham g'alaba uchun kurashamiz".