“Metallurg” bilan o'yin oldidan “Lokomotiv” safida ko'plab yo'qotishlar bor

Bugungi uchrashuvga “Lokomotiv” tarkibda bir qator yo'qotishlar bilan etib keldi. Ogohlantirishlari soni ortib ketgan jamoamiz himoyachisi Muhammad Kone mazkur matchni o'tkazib yuboradi. Boisi uning hisobidagi sariq kartochkalar soni 4 taga etdi. U “Nasaf”, “Paxtakor”, “Navbahor” hamda “Bunyodkor” jamoalariga qarshi kechgan bellashuvlarda hakam tomonidan ogohlantirish olgan edi.

SHuningdek, Diyor Turopov va Salim Mustafoev ham jarohat sabab bugungi bahsda jamoamizga yordam bera olishmaydi. Jarohatini davolash bilan band bo'lgan Islom To'xtaxo'jaev hamda Marat Bikmaev esa agar shifokor ruxsat bersa, maydonga tushishlari mumkin.