Kapadze vadasining ustidan chiqdi (VIDEO)
/ Kiritdi: BestMaster O'qilgan: 1480
Oliy liganing navbatdagi turida "Lokomotiv" o'z maydonida "SHo'rtan"ni qabul qilib, 4:1 hisobida g'alaba qozondi.
Jamoasining uchinchi goliga mualliflik qilgan "temiryo'lchilar" sardori Timur Kapadze o'z golini juda chiroyli tarzda nishonladi.
Gap shundaki, u 52-daqiqada gol urganidan so'ng golni skripka chalayotgandek nishonladi. Bundan esa ko'pchilik hayron qolgan bo'lsa kerak. Buning sababi shundaki, Kapadze "Olmaliq" bilan kechgan o'yinda to'p kiritgan vaziyat "Lokomotiv"ning instagramdagi rasmiy sahifasi (@pfc.lokomotiv)ga qo'yilgach, qozog'istonlik darvozabon Almat Bekbaev video tagida "Tima, yana gol ursang men uchun skripka chalib ber" mazmunda izoh qoldirgandi.
SHunda Timur Kapadze yana to'p kiritsa golni shunday nishonlashga vada bergandi. Biroq tajribali yarim himoyachi "Qo'qon-1912"ga to'p kiritganidan so'ng golni bunday nishonlamagan, natijada Bekbaev "Vada qani?" mazmunda yana izoh qoldirgandi. Va nihoyat, "SHo'rtan" bilan kechgan bahsda "temiryo'lchilar" sardori gol urganidan so'ng qo'llarini skripka chalayotgandek ko'rsatdi va shunday qilib o'z vadasining ustidan chiqdi. Eslatib o'tamiz, Kapadze Qozog'istondagi faoliyati davomida Almat Bekbaev bilan bir jamoada, "Aktobe"da o'ynagan.
X.Xoliqov
TAS-IX
TAS-IX emas
Bosh sahifaga
179