Doniyor Hasanov: “Obod”ning barcha futbolchilari erkin agentga aylandi”

Afsuski bazi bir sabablarga ko'ra klub o'z faoliyatini yakunlaydigan bo'ldi. Jamoadagi futbolchilar ayni damda boshqa klublarda ko'rikdan o'tishmoqda. “Obod” nima sababdan yopilganini bilish maqsadida jamoa sardori Doniyor Hasanov bilan suhbatlashdik.

-  “Obod” jamoasining tarqalib ketishiga nima sabab bo'ldi?
-  Ochig'ini aytsam, bu haqida hech nima bo'lmayman. Bizni klub rahbariyati yig'ib majlis o'tkazdi va klub rasman yopilishini malum qildi. Bizni rahbariyatdan hech qanday noroziligimiz yo'q. Futbolchilar uchun barcha sharoitni qilib berishdi. Ushbu klubda 5 yil davomida faoliyat olib borgan bo'lsam biror marotaba futbolchilarni ranjitganlarini ko'rmadim. Vaqti kelsa oyliklarimizni oldindan berishdi. Bu masalada umuman muammo bo'lmadi.

-  Jamoada 5 yil faoliyat olib bordim dedingiz. Birinchi davra yakunlandi, ayni damda biror-bir jamoada ko'rikdan o'tyapsizmi?
-  Albatta, Bekobodning “Metallurg” jamoasi bilan og'zaki kelishuvga erishganman. Men bilan yana bir jamoadoshim “Metallurg”ga o'tishi mumkin. SHerzod Jalilov, SHirinboy Abdullaev, Sardor Qahhorov Jizzaxning “So'g'diyona” jamoasidan chaqiruv olishgan. SHoxruz Norxonov “Bunyodkor” bilan kelishuvga erishdi. Qolgan jamoadoshlirim ham faoliyatini davom ettirish uchun boshqa klublarga o'tsa kerak.

-  Jamoaga homiylik qilib kelayotgan tashkilot klub bilan ortiq ishlamasligini aytib o'tdingiz. Klubni saqlab qolish uchun boshqa homiy topilmadimi?
-  Hozircha bu haqida hech narsa bilmayman. Barcha futbol muxlislari va mutasaddilari yaxshi bilsa kerak, “Obod” bilan ko'pchilik futbolchilarning amalda shartnomasi bor. Klub prezidenti mana shu futbolchilarni boshqa jamoalarga sotib yuborsa ham bo'lardi. Lekin bunday qilmadi. Har bir futbolchini qo'liga  hujjatlarini topshirdi. Xullas barcha futbolchilar ular qatorida men ham erkin agentga aylandik.

-  O'FFga jamoa rasman yopilgani haqida xabar berildimi?
-  Bu savolingizga ham javob bera olmayman. Bu haqida klub rahbariyati bilan bog'lanib savolingizga javob olishingiz mumkin. Agarda O'FF “Obod”ni oliy ligada ikkinchi davrani ham yakunlab qo'yishi haqida aytadigan bo'lsa boshqa chora qolmaydi va “Obod” ikkinchi davrani yakunlab qo'yadi.

Jahongir Sotvoldiev suhbatlashdi