Meksikada porlagan yulduz "Neftchi"ga o'tishga yaqin
/ Kiritdi: BestMaster O'qilgan: 1785
Farg'onaning "Neftchi" klubi davralar oralig'ida o'z tarkibini kuchaytirishni maqsad qilgan.
"Neftchi"da katta o'zgarishlar bo'lmoqda. Jamoaga Vadim Abramov bosh murabbiyi etib tayinlanganidan keyin klub rahbariyati bir qator futbolchilarni "Neftchi"ga olib kelishga vada berishgan.
Malumotlarga ko'ra, farg'onaliklar safini birinchilardan bo'lib yangi futbolchilardan Meksika-2011dagi mundialda porlagan hujumchi Timur Hakimov to'ldirishi kutilmoqda.
SHuningdek, Abramov "Neftchi"ga "Lokomotiv"da birga ishlagan futbolchisi Alisher SHog'ulomovni ham taklif etishi kutilmoqda. Katta ehtimol bilan SHog'ulomov va Hakimov ikkinchi davrani "Neftchi"da boshlaydi.
Alisher SHog'ulomov birinchi davrani "Buxoro"da boshlagandi. Timur Hakimov esa yaqindagina Moskvada jarohatini operaciya qildirib qaytgandi. Futbolchi yakka tartibda shug'ullanib o'z sport formasini tiklayotgandi. Ayni paytda Hakimov erkin agent sanaladi.
Davralar oralig'ida "Neftchi" yana bir qator yangi futbolchilar bilan kuchaytirilishi kutilmoqda. Yaxshi saviyadagi legionerlar ham kelish ehtimoli mavjud.
Bosh sahifaga
2149