Veratti muxlislardan uzr so'radi
/ Kiritdi: BestMaster O'qilgan: 1264
“PSJ” klubi rasmiy saytida Marko Verattining muxlislarga videomurojaati joylashtirildi.
Unda futbolchi agentining gaplari uchun muxlislardan uzr so'ragan. Yaqinda futbolchining agenti Donato Di Kampli mijozi haqida gapira turib, “CHempionlar ligasida g'olib chiqmoqchi bo'lgan futbolchilar “PSJ”ga kelishmaydi” degan gaplarni aytgandi.
“Bugun ertalab men agentimning bayonotini ko'rdim va aytishim mumkinki, bu mening qarashlarim emas. Men bilaman va tushunaman: u men bilan ishlamoqda, shu sababli klubning barcha xodimlaridan va albatta muxlislardan uzr so'ramoqchiman.
Parijda meni hamma narsa qanoatlantirmoqda. Biz mashg'ulotlarni boshlashdik va men jamoadoshlarim bilan yana ko'rishganimdan xursandman. Men haqiqatan ham yana bir bor uzr so'ramoqchiman.
Ko'p gapirishning hojati yo'q: “PSJ”ni hurmat qilman. Agentimning fikrlari mening fikrim emas. Umid qilamanki, bu holat boshqa takrorlanmaydi.
“PSJ” uchun men bor kuchim bilan harakat qilganman. Bundan buyon ham jamoa uchcn 100 foiz imkoniyatlarimni safarbar etaman”, deydi Veratti.
Bosh sahifaga
215