SHerzod Karimov: “Yangi futbolchilarni bitta mashg'ulotda qanday kuchga ega ekanligini bilib bo'lmaydi”

Ikkinchi davraga tayyorgarlik ko'rayotgan “sherlar”ning tayyorgarligi “JAR” stadionida bo'lib o'tdi. Mashg'ulotdan so'ng jamoa azosi SHerzod Karimov tayyorgarlik to'g'risida o'z fikrlarini bildirdi.

“Yangi murabbiy boshchiligida birinchi mashg'ulot juda ham alo darajada o'tdi. Biz uchun barcha shart-sharoitlar yaratib berilgan. Endi murabbiylar ishonchini qozonishga harakat qilamiz. Yangi murabbiyimizning tartib-intizomga etibor bergani va futbolchilarga barcha sharoitlarni birinchi o'ringa qo'yayotgani taqsinga sazovor.

Ushbu murabbiy bilan biz ko'rmagan, bilmagan jismoniy mashqlarni bajardik. Yangi futbolchilarni bitta mashg'ulotda qanday kuchga ega ekanligini bilib bo'lmaydi. Ilk mashg'ulot u darajada qiyinchilik tug'dirmadi. Jamoaga yangi murabbiy kelganidan keyin barcha futbolchilar o'zini ko'rsatishga harakat qiladi”, - deydi SHerzod Karimov

Jahongir Sotvoldiev yozib oldi.