"SHo'rtan": Bosh murabbiy yo'qligi vaqtincha holat

Ulardagi asosiy mavzu klubimiz bilan yuzaga kelgan muammolar echimi va “Oq bo'rilar”ning ikkinchi davraga tayyorgarligi, shuningdek keyingi faoliyatimiz qanday kechishi to'g'risida bormoqda. Biz ushbu maqolamiz orqali saytimiz o'quvchilari, “SHo'rtan”ning ko'p ming sonli muxlislari va Respublika miqyosida faoliyat ko'rsatadigan shu soha mutaxassislari, OAV vakillariga quyidagilarni malum qilmoqchimiz:

Avvalo, muammolar haqida gap ketganida, bugungi kunda bu holat nafaqat “SHo'rtan”, balki boshqa jamoalarda ham kuzatilayotganligini tan olishimiz kerak. Faqat uning darajasi har qaysi klubda turlicha ko'rinishda bo'ladi. Muammolar echimini ham har bir jamoa o'z bilganicha hal qiladi. SHu jumladan bizning “SHo'rtan” klubimiz ham bu borada o'z ichki imkoniyatlaridan kelib chiqib va birinchi navbatda ishonchli bosh homiymiz – “SHo'rtanneftgaz” MCHJ ko'magiga tayanib ish olib bormoqda. Aynan mana shu masala yuzasidan kuni kecha klubimizning yangi tayinlangan Bosh direktori Kamoliddin Ergashevich Rahimov ham yig'ilib qolgan savollarga saytimiz orqali to'la-to'kis, aniq va ravshan javob berdi.

SHuning uchun tashqaridan turib, nima bo'ladi?, qanday bo'ladi? kim yordam beradi? qabilidagi gap-so'zlarni ko'paytirish, o'quvchilar ommasining fikrini chalg'itish o'rinsiz va mantiqsiz holat deb bilamiz.

O'z o'rnida takidlab o'tishimiz kerak, ayni paytda jamoada ikkinchi davraga tayyorgarlik bo'yicha aniq reja asosida qizg'in ish olib borilmoqda. Malakali mutaxassislar – Vitaliy Legay hamda Gennadiy Kochnev qo'l ostida tajribali futbolchilar bilan bir qatorda mahalliy istedodlar, o'rinbosarlar tarkibida o'z o'yinlari bilan murabbiylar ishonchini qozonib kelayotgan umidli yoshlar ham mashg'ulotlar jarayonida faol ishtirok etishmoqda. 11 iyul sanasida esa O'zbekiston Professional Futbol Ligasi musobaqalarni o'tkazish Reglamantiga asosan “SHo'rtan” jamoasining murabbiylar guruhi va futbolchilari Toshkentdagi Respublika Sport tibbiyot ilmiy-amaliy markazida o'z sog'liklarini ko'rikdan o'tkazishadi.

Yana bir eng asosiy mavzu bu – bosh murabbiy masalasi. To'g'ri, hozircha jamoada ushbu o'rin bo'sh turibdi. Lekin bu vaqtincha holat. Hech kimga sir emas, o'zbek futbolida “SHo'rtan”ning o'z o'rni, mustahkam mavqei, obro'-etibori bor va bundan keyin ham shunday bo'ladi. SHuning uchun ham “Oq bo'rilar” jamoasini boshqarishni o'ziga munosib va sharaf deb biladigan mutaxassislar mamlakatimizda etarlicha topiladi. SHu kunlarda bir qator nomdor, malakali murabbiylar klub rahbariyatining etiborida turibdi. Nomzodlar bilan qizg'in muzokaralar olib borilmoqda. Tez orada kun tartibidagi ushbu muhim masala ham o'z echimini topadi. Voqealar rivojini kuzating va biz yangiliklarni saytimiz orqali yoritib boramiz.