"Qo'qon-1912": CHirchiqdagi yig'in boshlandi, Quvondiq keldi

Kecha CHirchiq shahrida yig'ilgan futbolchilar 2-davraga tayyorgarlikni boshlab yuborishdi. Mashg'ulotlar bugundan boshlab kuniga 2 mahaldan bo'lib o'tadi. Futbolchilar bosh murabbiy tomonidan ishlab chiqilgan reja bo'yicha tayyorgarlikni olib borishadi.

Muxlislarga bir xushxabarni etkazmoqchimiz. O'zining ajoyib o'yinlari bilan qo'qonlik muxlislar mehrini qozongan Quvondiq Ro'ziev jamoa safiga kelib qo'shildi. Ro'ziev 2-davrani jamoa safida o'tkazadi. Hozircha safda boshqa yangi futbolchilar yo'q.

Serbiyalik futbolchilar Darko Gojkovich hamda Filip Rayevaclar yig'inga biroz kechroq qo'shiladilar. Ular ayni damda o'z yurtlarida hordiq chiqarmoqdalar.
Jamoa mashg'ulotlarida darvozabon Muzaffar Abdullaev ishtirok etmayapti. Abdullaev 2-davrani sobiq jamoasi, Jizzaxning So'g'diyona klubida o'tkazish ehtimoli yuqori.

CHirchiqdagi yig'in davomida safda yana o'zgarishlar bo'lishi mumkin. Bu haqida o'zgarishlar aniq bo'lgach albatta sizlarga xabar beramiz. O'quv - yig'in mashg'ulotlari davomida Qizilqum va Neftchi jamoalari bilan nazorat o'yinlari o'tkazish rejaga kiritilgan.