"Olmaliq": O'rtoqlik uchrashuvidagi raqibimiz "Naftan" haqida...
/ Kiritdi: BestMaster O'qilgan: 903
Ertaga jamoamiz Minsk shahrida davom etayotgan o'quv-mashg'ulot yig'ini davomidagi ilk nazorat o'yinini o'tkazadi.
Jamoamizga Novopolock shahrining "Naftan" jamoasi sparring raqib vazifasini o'taydi. Joriy mavsumda 16 jamoa o'rtasida so'nggi pog'onada borayotgan bu jamoa o'tgan mavsumdagi qarzdorligi sabab, 2017 yilgi mavsumni -5 ochko bilan boshlashga majbur bo'ldi. Birinchi davra yakunida bu manfiy ko'rsatkich bir g'alaba va ikki durang evaziga yo'q qilindi.
Jamoa tarixiga nazar tashlaydigan bo'lsak, novopolockliklar ikki marta Belorussiya kubogi sohibi bo'lishgan. CHempionatda eng yuqori natijalari 4-o'rin bo'lgan. Jamoa tarkibida bir qator legionerlar ham faoliyat olib bormoqda. Hozirda "Naftan"ni 42 yoshli Oleg Sidorenkov boshqarib bormoqda.
Mazkur jamoaga qarshi bahs 10 iyul kuni mahalliy vaqt bilan 17:00da boshlanadi.
Bosh sahifaga
237