“Buxoro”ning ikkinchi davraga tayyorgarlik rejasi aniq

Buning uchun jamoa davralar oralig'ida har tomonlama puxta tayyorgarlik ko'rishni o'z oldiga maqsad qilib qo'ygan. Ulug'bek Baqoev boshchiligidagi murabbiylar shtabi yozgi davralar oralig'ida aniq reja asosida yig'in olib boradi. Unga ko'ra jamoa azolari 11 iyul kuni Toshkent viloyati, CHimyon tog' yon bag'rida joylashgan shinam “Paradays grin” maskanida yig'iladi. U erda o'quv-yig'in mashg'ulotlari 17 iyul kuniga qadar davom etadi. SHundan so'ng futbolchilarga ikki kunlik dam beriladi. 20 iyuldan esa ikkinchi bosqich yig'ini start oladi.

Bu safargi yig'in Toshkentda o'tadi. SHu kunning o'zida jamoa azolari tibbiy ko'rikdan o'tkaziladi. 21 iyul kuni esa yig'indagi ilk sinov-nazorat bahsida maydonga tushiladi. Sparring raqib sifatida “Bunyodkor” yoshlar jamoasi tanlangan. Umuman olganda, Toshkentdagi yig'in chog'ida “Buxoro” 23 iyul kuni “Navbahor”ga qarshi ham sinov-nazorat uchrashuvida maydonga tushadi. Malumki 28 iyul kuni Ulug'bek Baqoev boshqaruvidagi jamoa Toshkentda O'zbekiston Kubogi doirasidan o'rin olgan ¼ final bosqichida “Lokomotiv”ga qarshi javob o'yinini o'tkazadi. Mazkur uchrashuvga shu tariqa tayyorgarlik ko'rish rejasi ishlab chiqilgan.  

“Buxoro” matbuot xizmati.