"Jajji shunqorchalar" mashg'ulotlari davom etmoqda (FOTO)
/ Kiritdi: BestMaster O'qilgan: 1078
Avval xabar berganimizdek Qo'qon shahridagi 51-sonli maktabgacha talim muassasasida , “Qo'qon-1912” klubiga qarashli “Jajji shunqorchalar” futbolga ixtisoslashgan futbol guruhlari tashkil qilingan.
Ayni kunlarga kelib bu guruhlar o'z faoliyatlarini izchil ravishda davom ettirishmoqda. Biz 51-sonli maktabgacha talim muassasasiga borganimizda kichkintoylarning mashg'ulotlari ustidan chiqib qoldik.
Bu erda murabbiy Murodjon Sultonov mashg'ulotlarni olib bormoqda.
-Guruhlarimizda 3 yoshdan 6 yoshgacha bo'lgan 24 nafar kichkintoylar bilan mashg'ulotlar olib bormoqdamiz. Mashg'ulotlarni haftasiga 3 mahaldan bolajonlarning yoshlariga munosib tarzda o'tkazyapmiz. Mashg'ulot o'tkazish uchun zarur bo'lgan barcha anjomlar , to'plar bilan taminlanganmiz. Asosiy maqsadimiz kichkintoylarni futbol alifbesi bilan tanishtirish, ularda dastlabki ko'nikmalarni shakllantirish, sog'lom avlolni tarbiya qilishdan iborat. Bolajonlar mashg'ulotlarda juda katta qiziqish va ishtiyoq bilan ishtirok etishmoqda. Ular bilan ishlash kishiga bir olam zavq bag'ishlaydi - deydi M Sultonov.
Biz mashg'ulotlar jarayonini suratga tushirib, ularni sizlar bilan baham ko'rishni lozim topdik. Zero siz ham beg'ubor bolaligingizni bir eslang.
Bosh sahifaga
246