"Barselona" futbolchilari tibbiy ko'rikdan o'tdi (foto)
/ Kiritdi: BestMaster O'qilgan: 1027
"Barselona" yulduzlari asta-sekin tatilni yakunlab, klubga qaytishmoqda, chunki jamoa yangi mavsumga tayyorgarlikni boshladi.
Kataloniya klubi chorshanba (12 iyul) kuni yangi bosh murabbiyi Ernesto Valverde bilan mashg'ulotlarni boshladi. "Barselona" asosiy jamoasining 14 futbolchisi hamda "Barselona B"ning bir necha o'yinchisi tibbiy ko'rikdan o'tishdi.
Ivan Rakitich, Luis Suares, Rafinya, Yasper Sillessen, Xaver Maskerano, Pako Alkaser, Serxi Roberto, Aleyks Vidal, Marlon, Duglas, Tomas Vermalen, Serxi Samper, Munir, Jerar Deulofeu tibbiy ko'rikdan o'tib, "Barselona"ning ilk mashg'ulotida ishtirok etishdi.
Luis Suares birinchilardan bo'lib "Barselona" mashg'ulotlariga qaytdi
Ivan Rakitich mashaqqatli mashg'ulotlardan avval tanasining holatini tekshirtirmoqda
Argentinalik himoyachi Xaver Maskerano tibbiy xodimlar tomonidan tekshirilmoqda
Iyun oyida terma jamoalar o'yinida ishtirok etgan 6 futbolchi jumadan so'ng klubga qaytadi. Ular Serxio Buskets, Denis Suares, Andres Inesta, Xordi Alba, Lyuka Din va Samuel Yumtiti.
Mark-Andre ter SHtegen va Andre Gomesh Konfederaciyalar Kubogida ishtirok etgani tufayli AQSHda bo'lib o'tadigan turnirga borishmaydi.
Ivan Rakitich tibbiy ko'rikdan muvaffaqiyatli o'tdi
La Masiya tarbiyalanuvchisi Serxi Roberto yo'lakchada yugurmoqda, shifokorlar esa monitordagi natijalarni kuzatib turishibdi
"Barselona" tez orada AQSHga uchib ketadi va Xalqaro CHempionlar Kubogida ishtirok etadi. Ushbu musobaqaning ilk uchrashuvi "Yuventus"ga qarshi bo'lib o'tadi va u Nyu Jersidagi "MetLife" stadionida o'tkaziladi.
"Barselona"ning Xalqaro CHempionlar Kubogidagi taqvimi:
23 iyul - "Yuventus"
27 iyul - "Manchester Yunayted"
30 iyul - "Real"
Bosh sahifaga
274