Jo Xart yaqin vaqt ichida London klubiga ko'chib o'tadi

Angliyaning "Manchester Siti" klubi darvozaboni Jo Xart yaqin vaqt ichida "Vest Xem" azosiga aylanadi. Tajribali posbon "bolg'achilar" safiga ijara asosida ko'chib o'tadi. Futbolchining klub bilan tuzgan ijara shartnomasi 1 yilga amal qiladi. Bu bilan "Vest Xem" darvozabonni mavsum so'ngigacha to'liq sotib olish huquqiga ega. Xartning transfer narxi 10 million funtga baholanmoqda. Avvalroq, "Manchester Siti" darvozabonni 25 million evro evaziga sotishni maqsad qilgandi, biroq buncha pulga posboni hech kim sotib olmagan. O'tgan mavsum Jo Xart ijara asosida Italiyaning "Torino" jamoasini himoya qilgandi.