Myunxendagi turnirda "Uzbek United" g'olib bo'ldi
/ Kiritdi: BestMaster O'qilgan: 1036
Bugun Germaniyaning Myunxen shahrida turli xil millatlardan tashkil topgan 18ta jamoa ishtirokida 6x6 formatda “FK Myunxen Kickers 06" jamoasining ananaviy hisob bo'yicha 11-futbol turniri bo'lib o'tdi.
Ushbu turnirda Myunxen shahrida talim olayotgan va kasbiy faoliyat yuritayotgan o'zbeklar ham 2ta jamoa bilan ishtirok etishdi.
Turnir reglamentiga ko'ra jamoalar 2 guruhga bo'lingan holda o'zaro maydonda to'p tepishdi. "A" guruhida "Uzbek United" jamoasi raqiblarni ishonchli tarzda mag'lubiyatga uchratib 1-o'rinda yarim finalga yo'l oldi. Yarim finalda esa ushbu jamoa "B" guruhidan 2-o'rinni olgan nemislardan tashkil topgan “FK Myunxen” jamoasini 3:1 hisobida engib finalga yo'l oldi. Finalda ruminiyaliklardan tashkil topgan, turnirning bir necha bor g'olibligini qo'lga kiritgan "FC Angry Birds" jamoasi bilan jangovor 0:0 hisobida durang qayt etildi va natijada g'olib aniqlash penaltilar seriyasiga qoldi. Futbol lotoreyasida "Uzbek United" jamoasiga omad kulib boqdi va 2:0 hisobida engib chempionlikka erishdi. Turnir davomida "Uzbek United" hujumchisi Abror SHonazarov 12ta goli bilan eng yaxshi to'purar nominaciyasida g'oliblikni qo'lga kiritdi
Abdurashid Nasirdinov
Myunxen, Germaniya.
Bosh sahifaga
179