"Navbahor": Osiyo chempioni jamoamiz safida

Bundan biroz vaqt oldin poytaxtdagi dastlabki mashg'ulot yakunlandi. "Navbahor" Toshkentdagi yig'in davomida uchta nazorat o'yinida maydonga tushadi. Dastlabki uchrashuv ertaga Qarshining "Nasaf" jamoasiga qarshi bo'lib o'tadi. "Ajdarlar" bilan o'tadigan o'yin "Bunyodkor" akademiyasi maydonida soat 19:00da boshlanadi. Jamoaning bugungi mashg'ulotida darvozabon Sarvar Karimovni ishtirok etganligini qayd etish joiz. 2012 yilgi o'smirlar o'rtasidagi Osiyo chempionatida chempionlikni qo'lga kiritgan Karimov jahon chempionatida ham qatnashishga ulgurgan. Darvozabon oldingi mavsumlarni "Lokomotiv"da o'tkazgandi. 1996 yilning 25 dekabrida tug'ilgan posbon joriy yilgi mavsum birinchi qismida "So'g'diyona" jamoasi sharafini qildi. Karimov ikkinchi davrada "Navbahor" sharafini himoya qilishi mumkin.

"Navbahor" futbol klubi matbuot xizmati