BAA - O'zbekiston o'yiniga kam vaqt qolmoqda

Ravshan Haydarov shogirdlari saralashning oxirgi tur uchrashuvini BAA yoshlariga qarshi bahs olib borishadi. O'yin bizning vaqt bilan 19:25da boshlanadi. 

Yaxshi bilasiz, guruhdagi avvalgi ikkita o'yinda g'alaba qozonganmiz. Yoshlarimiz dastlab Livanni 3:1, keyin Nepalni 2:0 hisobida mag'lub etishdi. O'z navbatida BAA ham bu jamoalarni mag'lubiyatga uchratdi. BAA - Nepal 5:0, BAA - Livan 1:0. 

Uchinchi tur oldidan BAA U-22 terma jamoasi faqat to'plar nisbatiga ko'ra guruhda etakchilik qilmoqda. Vaholanki, ularning ochkosi biz bilan teng. Bugungi o'yinda g'alabagina terma jamoamizni birdaniga Osiyo chempionatiga olib chiqadi. Agar durang o'ynasak, saralashni ikkinchi o'rinda tugatamiz va boshqa guruhlarning natijasini kutishimizga to'g'ri keladi. Yutqazib qo'ysak ham xuddi shunday vaziyatda qolamiz. 

Albatta, bugungi bellashuvda futbolchilarimizdan faqat g'alaba kutib qolamiz. SHunda qolgan guruhlarda boshqalar qanday o'ynar ekan deb kutib o'tirmaymiz va bu yog'iga faqat Osiyo chempionati haqida o'ylaymiz. Eslatib o'tamiz, navbatdagi U-22 Osiyo chempionati 9-27 yanvar kunlari Xitoyda bo'lib o'tadi.