Temur Yafarov: "Mashal-2" 11 kishi bo'lib darvozaga turib oldi
/ Kiritdi: BestMaster O'qilgan: 1156
Birinchi liga o'yinlari yakuniga etishiga ham bitta tur qoldi. Kecha chempionat peshqadami "Oq-tepa" o'z uyida Mashal-2ni qabul qilib, nursiz durang qayd etib asosiy taqibchisi bo'lgan "Obod"ni o'tkazib yubordi.
Natijada "Oq-tepa" 2-o'ringa tushib qoldi va ular katta ehtimol bilan endi oliy ligada 15-o'rinni band etgan jamoaga qarshi pley-off bahsini o'tkazadi. Biz esa "Oq-tepa" sardori bo'lgan Temur Yafarov bilan suhbatlashib, kechagi o'yin haqida fikrlarini so'radik.
- "Mashal-2" butun o'yin davomida himoyalandi. Deyarli 11 kishi bo'lib darvozada turdi desa ham bo'ladi. Hech narsa kerak emas bo'lgan klub o'ligini tashladi va bizni qimmatli ochkolardan mahrum etdi. To'g'risi shu kuni bizga haqiqatdan ham omad etishmadi. G'alaba qozonishni juda-juda istagandik. Sababi oliy ligaga 1-o'rinni egallagan xolda chiqish asosiy maqsadimiz edi.
- O'yinga tayyorgarlik qanday bo'lgandi? Xotirjamlikka berilmadimi yigitlar?
- Balkim... Fikringizga qo'shilaman extimol yoshlarda o'yindan oldin xotirjamlik bo'lgandir. Ammo tajribali futbolchilar vaziyatni juda yaxshi tushunib turgandi. Agarda ochko yo'qotsak, hammasi tamom bo'lishini bilardik. Afsuski asosiy raqobatchimizni o'tkazib yubordik.
- Aksiga olib ushbu oqshom "Obod" safardan g'alaba bilan qaytdi. Sizlar uchun eng alamlisi ham shu bo'ldi. To'g'rimi?
- "Obod"ni ushbu muvaffaqiyat bilan tabriklayman. Ular elitaga deyarli chiqdi. CHiqqanda ham haqli ravishda. Ammo biz ulardan kuchli edik. Buni o'zaro ikki uchrashuvda isbotlagandik.
- Keyingi turni safarda o'tkazasizlar. SHunchaki rasmiyatchilik uchun o'ynab qaytasizlarmi? Bunday deyishimizning boisi ko'pchilik Obodning keyingi turda "Kosonsoy"ni mag'lub etishini aytmoqda.
- Nima ham qilardik....Hayot davom etadi. Hozirdan taqdirga tan berish yaxshimas. Oxirigacha kurashamiz. Agarda pley-offda ishtirok etsak, astoydil o'ynaymiz.
Islombek Rustambekov.
- "Mashal-2" butun o'yin davomida himoyalandi. Deyarli 11 kishi bo'lib darvozada turdi desa ham bo'ladi. Hech narsa kerak emas bo'lgan klub o'ligini tashladi va bizni qimmatli ochkolardan mahrum etdi. To'g'risi shu kuni bizga haqiqatdan ham omad etishmadi. G'alaba qozonishni juda-juda istagandik. Sababi oliy ligaga 1-o'rinni egallagan xolda chiqish asosiy maqsadimiz edi.
- O'yinga tayyorgarlik qanday bo'lgandi? Xotirjamlikka berilmadimi yigitlar?
- Balkim... Fikringizga qo'shilaman extimol yoshlarda o'yindan oldin xotirjamlik bo'lgandir. Ammo tajribali futbolchilar vaziyatni juda yaxshi tushunib turgandi. Agarda ochko yo'qotsak, hammasi tamom bo'lishini bilardik. Afsuski asosiy raqobatchimizni o'tkazib yubordik.
- Aksiga olib ushbu oqshom "Obod" safardan g'alaba bilan qaytdi. Sizlar uchun eng alamlisi ham shu bo'ldi. To'g'rimi?
- "Obod"ni ushbu muvaffaqiyat bilan tabriklayman. Ular elitaga deyarli chiqdi. CHiqqanda ham haqli ravishda. Ammo biz ulardan kuchli edik. Buni o'zaro ikki uchrashuvda isbotlagandik.
- Keyingi turni safarda o'tkazasizlar. SHunchaki rasmiyatchilik uchun o'ynab qaytasizlarmi? Bunday deyishimizning boisi ko'pchilik Obodning keyingi turda "Kosonsoy"ni mag'lub etishini aytmoqda.
- Nima ham qilardik....Hayot davom etadi. Hozirdan taqdirga tan berish yaxshimas. Oxirigacha kurashamiz. Agarda pley-offda ishtirok etsak, astoydil o'ynaymiz.
Islombek Rustambekov.
Bosh sahifaga
1335
18 Yanvar 2021, 01:19