O'zbekiston terma jamoasi bugun Turkiyada ikkinchi o'rtoqlik uchrashuvini o'tkazadi
/ Kiritdi: BestMaster O'qilgan: 965
Bir haftalik yig'in o'tkazish maqsadida Turkiyaga yo'l olgan O'zbekiston terma jamoasi bugun ikkinchi o'rtoqlik uchrashuvida maydonga tushadi.
Samvel Babayan boshqarayotgan jamoa birinchi nazorat bahsini Eronning "Zob Ahan" klubiga qarshi o'tkazib, 0:1 hisobida mag'lub bo'lgandi. Bugun bo'lib o'tadigan ikkinchi o'yinda Saudiya Arabistonining "Al Taavon" klubi raqiblik qiladi.
"Al Taavon" nomi o'zbek muxlislari uchun begona emas. Bu jamoa shu yil Osiyo chempionlar ligasida "Lokomotiv"ga qarshi bahs olib bordi. Saudiya chempionatini 7-o'rinda tugatgan "Al Taavon" hozir Turkiyada yangi mavsumga tayyorgarlik ko'rmoqda.
Esingizda bo'lsa, bu jamoa o'z maydonida "Loko"ni 1:0 hisobida mag'lub etgan va Toshkentda 4:4 o'ynagandi. Bugungi uchrashuvdan so'ng O'zbekiston terma jamoasi ertaga yurtimizga qaytadi.
X.Xoliqov
Bosh sahifaga
646