OCHL chorak finaliga bir oy qoldi. Klublarda ro'y bergan o'zgarishlar

Dastavval chorak final juftliklarini yana bir marta yodga olib o'tsak. 

"Al Ayn" (BAA) - "Al Hilol" (S.Arabistoni)

"Persepolis" (Eron) - "Al Ahli" (S.Arabistoni)

"SHanxay SIPG" (Xitoy) - "Guangju Evergrand" (Xitoy)

"Kavasaki Frontale" (Yaponiya) - "Urava Reds" (Yaponiya)

Hozirda G'arbiy Osiyo klublari yangi mavsumga tayyorgarlik ko'rishmoqda. SHu bilan birga transferlar ham avj olgan. SHarqiy Osiyoda esa milliy chempionat o'yinlari davom etmoqda. 

Quyida OCHL chorak finaliga yo'l olgan klublar tarkibida ro'y bergan o'zgarishlar haqida to'xtalib o'tamiz. 

"Al Ayn" (BAA)

Jamoaga kelganlar: Tcukasa SHiotani ("Sanfreche Xirosima"), Markus Berg ("Panatinaikos")

Jamoadan ketganlar: Li Myung Ju ("Seul"), Nosir Al SHamroni ("Al Hilol"), Said Al Xatri ("Al Dafra")

"Al Ayn" hozircha o'z safini ikki yangi futbolchi bilan to'ldirdi. Jamoa yaponiyalik SHiotani bilan SHveciya terma jamoasi hujumchisi Markus Bergni tarkibga qo'shib oldi. "Al Ayn"da o'ynagan Nosir Al SHamronining ijara muddati tugadi va yana "Al Hilol"ga qaytib ketdi. Bundan tashqari klub Omar Abdulrahmonni "Nicca"ga sotishga rozi bo'lmadi. 

"Al Hilol" (Saudiya Arabistoni)

Jamoaga kelganlar: Ali Al Bulayhi ("Al Fath"), Muxtar Fallatah ("Al Vahda"), Omar Xribin ("Al Dafra"), Ali Al Habsi ("Riding"), Mohamed Kanno ("Al Ittifoq"), Hassan Kadesh ("Al Ittifoq"), Matias Britos (UNAM). 

Jamoadan ketganlar: Abdulmajid Al Ruvayli ("Al Feyha"). 

Yangi mavsum oldidan "Al Hilol"ning eng katta transferi ummonlik darvozabon Ali Al Habsini qo'lga kiritgani bo'ldi. SHuningdek, Urugvay U-22 terma jamoasi yarim himoyachisi Matias Britos ham tarkibga qo'shib olindi. Qolaversa, ijaradan hujumchi Nosir Al SHamroni qaytdi. 

"Persepolis" (Eron)

Jamoaga kelganlar: SHoja Xalilzoda ("Sepaxan"), Godvin Mensha, Siamak Nemati (har ikkalasi "Paykan")

Jamoadan ketganlar: Ramin Rezaeyan ("KV Ostende")

"Persepolis" Iroq futbolchisi Bashar Resanga ham qiziqmoqda, biroq hozircha uni qo'lga kiritmadi. Jamoa Qatarning "Al Xor" jamoasidan Sorush Rafieni ham sotib olishi mumkin. Hozircha "Persepolis" xorijdan futbolchi olib kelgani yo'q.

"Al Ahli" (Saudiya Arabistoni)

Jamoaga kelganlar: Ahmad Al Zain ("Al Taavon"), Klodmir De Souza ("Bryugge")

Jamoadan ketganlar: Hech kim 

Sergey Rebrov boshqaruvidagi jamoa hozircha ikki yangi futbolchi bilan shartnoma imzoladi. "Al Ahli" Italiya "A" seriyasi vakili "Udineze"ga qarshi o'rtoqlik uchrashuvi o'tkazib 1:4 hisobida mag'lub bo'ldi. "Al Ahli"ning navbatdagi nazorat o'yini 23 iyul kuni Turkiyaning "Konyaspor" jamoasi bilan bo'ladi. 

"SHanxay SIPG" (Xitoy)

Jamoaga kelganlar: Hech kim

Jamoadan ketganlar: Hech kim

Xitoyda milliy chempionat davom etayotgani bois mahalliy klublar tranfser ishlarini amalga oshira olishmaydi. SHu bois "SHanxay" mavjud tarkib bilan o'yinlarda ishtirok etmoqda. 

"Guangju Evergrand" (Xitoy)

Jamoaga kelganlar: Muriki ("Vasko de Gama")

Jamoadan ketganlar: Hech kim

2013 yilgi OCHL to'purari Muriki yana qadrdon jamoasiga qaytdi. 31 yoshli hujumchi erkin agent sifatida qaytib keldi. 

"Kavasaki Frontale" (Yaponiya)

Jamoaga kelganlar: Hech kim

Jamoadan ketganlar: Hech kim 

"Urava Reds" (Yaponiya)

Jamoaga kelganlar: Hech kim

Jamoadan ketganlar: Hech kim

X.Xoliqov tayyorladi.