Mirjalol Qosimov: "Yaqin orada yangi kelgan futbolchilar bilan shartnoma imzolaymiz"

Ushbu uchrashuvdan so'ng "qaldirg'ochlar" bosh murabbiyi Mirjalol Qosimovni suhbatga tortdik.

- "Metallurg" jamoasiga qarshi uchrashuvda durang natija qayd etildi. Ushbu uchrashuvdan haqida qanday fikrdasiz? Jamoadagi futbolchilarni ko'rib oldingizmi?

- 10 kun mobaynida CHimyonda jismoniy mashg'ulotlarini o'tkazdik. 17 kuni Toshkentga qaytib kelib to'plar bilan ishlab yubordik. Kecha Bekobodning "Metallurg" jamoasiga qarshi ilk nazorat uchrashuvimizni o'tkazdik. Bir necha kundan so'ng O'zbekiston kubogi chorak final javob uchrashuvi bosqichida Farg'onaning "Neftchi" jamoasiga qarshi bahs o'tkazamiz. "Metallurg" bilan bo'lgan o'rtoqlik uchrashuv "Neftchi"ga qarshi o'yin oldidan tayyorgarlik vazifasini o'tab berdi. Ushbu nazorat uchrashuvi futbolchilarning maydonda bir-birini tushinib harakat qilishi uchun yaxshgina mashg'ulot bo'ldi. 

- Jamoadan bir qator futbolchilar ketdi. Taklif qilingan yangi futbolchilar bormi?

- Albatta, yangi kelgan futbolchilar ham bor. "Obod" klubidan Anvar G'ofurov va SHoxruz Norxonov, "Buxoro"dan SHoxruh Gadoev va Vohid SHodievlarni jamoaga taklif qilganman. Hozircha faqat Norxonov bilan shartnoma imzolaganmiz. Qolgan futbolchilar bilan ham yaqin orada shartnoma imzolaymiz. 

Jahongir Sotvoldiev suhbatlashdi