Bugun "SHo'rtan" o'rtoqlik uchrashuvi o'tkazadi, jamoada Maradona shug'ullanyapti

2017-07-24 12:40:01 / Kiritdi: BestMaster O'qilgan: 869

Oliy liganing ikkinchi davrasiga tayyorgarlikni Toshkentda davom ettirayotgan "SHo'rtan"ga yangi futbolchi keldi.

SHu paytgacha "Mashal" safida to'p tepib kelgan hujumchi Maradona Safarov ayni kunlarda g'uzorliklar tarkibida shug'ullanmoqda. "SHo'rtan" 22 iyul kuni birinchi liga vakili "NBU-Osiyo"ga qarshi o'rtoqlik uchrashuvi o'tkazib, 2:1 hisobida g'alaba qozongandi.

Klub matbuot xizmatining xabar berishicha, bugun jamoa "Lokomotiv" o'rinbosarlariga qarshi TTYMI stadionida navbatdagi nazorat bahsini o'tkazadi. O'yin 18:00da boshlanadi. Jamoaga yangi qo'shilgan Maradona Safarov haqida to'xtaladigan bo'lsak, muboraklik hujumchi "Mashal" tarbiyalanuvchisi hisoblanadi. U birinchi davrada "gazchilar" safida to'rtta o'yinda maydonga tushib, hali gol ura olmadi.

Agar hujumchi ikkinchi davrani "SHo'rtan" tarkibida o'tkazsa, balki gol urishi mumkin.

Teglar: bugun, shortan, ortoqlik, uchrashuvi, otkazadi, jamoada, maradona, shugullanyapti,
← Oldinga Orqaga →