Sidiqov va Ribkinning transfer huquqi endi "Qo'qon-1912"ga tegishli!
/ Kiritdi: BestMaster O'qilgan: 956
O'zining ajoyib o'yinlari bilan muxlislaru-mutaxasislarning nazariga tushgan iqtidorli yarim himoyachi Javohir Sidiqov “Qo'qon-1912” jamoasining to'laqonli azosiga aylandi.
O'tgan mavsumda “Paxtakor” jamoasidan ijara asosida olingan Javohir Oliy ligadagi debyut o'yinini aynan “Qo'qon-1912” jamoasida o'tkazdi. Bosh murabbiy No'mon Hasanov unga qo'rqmasdan imkoniyat berib, chin manodagi iqtidorni kashf qildi desak mubolag'a bo'lmaydi.
O'zbekistonning turli terma jamoalarida ham o'zining chiroyli o'yinlarini namoyish qilib kelayotgan Javohir Sidiqovning transferi huquqlari endi jamoamizga tegishli bo'ldi.
Toshkentning “Paxtakor” jamoasi uni erkin agent sifatida jamoamizga qo'yib yubordi.
SHuningdek “Paxtakor”dan ijaraga olingan darvozabon Nikita Ribkin xam endilikda huquqiy jihatdan jamoamizga tegishli bo'ldi. Klubimiz Ribkinning transfer huquqlarini “Paxtakor”dan sotib oldi.
“Paxtakor” jamoasidan ijaraga olingan yana bir futbolchi Andrey Sidorov esa, ikki tomonning kelishuviga asosan o'z jamoasiga qaytib ketdi. “Paxtakor” Andrey Sidorovni Samarqandning “Dinamo” jamoasiga ijaraga berdi.
SHu o'rinda “Paxtakor” jamoasining yangi rahbariyatiga klubimiz rahbariyati va muxlislarimizning talab va istaklarini inobatga olib yuqoridagi transferlarga rozilik bildirishgani uchun, jamoamiz rahbariyati va muxlislarimiz nomidan minnatdorchilik bildiramiz.
Biz yuqoridagi har uchchala futbolchilarga kelgusi faoliyatlarida omad tilaymiz!
Bosh sahifaga
186