Rasmiy xabar: Edgar Gess yana "SHo'rtan"ga qaytdi

5 iyuldan etiboran G'uzorda boshlangan ushbu jarayonlarda futbolchilarimiz Vitaliy Legay va Gennadiy Kochnevlar qo'l ostida mashg'ulotlarda qatnashishayotgan edi. SHu bois barcha muxlislar va mutaxassislarni bosh murabbiy masalasi qiziqtirib kelayotgandi. Bu borada saytimiz orqali ham bir necha marta malumotlar berib bordik. Jumladan klubimiz rahbariyati bir qator tajribali mutaxassislar bilan muloqot olib borayotganligidan ham voqif etdik. Nihoyat kuni kecha yakuniy qaror qabul qilindi. Bundan avval ham “SHo'rtan”da faoliyat ko'rsatgan, g'uzorlik muxlislar mehrini qozongan va aytish joizki, hozircha jamoamizni o'z tarixida eng yuksak natijalarga erishtirgan Edgar Gess “Oq bo'rilar” boshqaruviga munosib nomzod deb topildi. 25 iyul kechki mashg'ulotlar arafasida klubimiz rahbariyati futbolchilar va murabbiylar shtabi vakillari bilan yig'ilish o'tkazdi hamda E.Gessni rasman bosh murabbiy sifatida tanishtirdi.

Eslatib o'tamiz, ushbu murabbiy “SHo'rtan”ni 2009-2011 va 2012-2013 yillar davomida boshqarib bordi. Uning qo'l ostida “Oq bo'rilar” jamoasi 2010 yilgi mavsumda Oliy ligada 4 o'rinni egallashdi. SHu yilning o'zida “SHo'rtan” O'zbekiston Kubogining finaliga qadar etib bordi. 2011 yilgi mavsumda esa G'uzor jamoasi Xalqaro musobaqa - Osiyo Konfederaciyasi Kubogida muvaffaqiyatli ishtirok etdi. Guruhdan keyingi bosqich - 1/8 finalga chiqish vazifasini uddaladi.

Saytimizni kuzatib boring, tez orada “SHo'rtan”ning yangi bosh murabbiyi bilan batafsil suhbatni elon qilamiz.