"Neftchi" Tojikiston grandini mag'lub etdi
/ Kiritdi: BestMaster O'qilgan: 915
Vadim Abramov bosh murabbiyligidagi “Neftchi” jamoasi 25 iyul oqshomida Tojikistonning “Istiqlol” jamoasiga qarshi o'rtoqlik bahsida ishtirok etdi.
“Qo'qon-1912” bilan o'yinda maydonga tushib, “So'g'diyona”ga qarshi bellashuvda xordiq olgan asosiy tarkib vakillari ushbu raqobatda yana maydonga qaytishdi.
Tojikiston klubiga qarshi kechgan o'yinda Farg'ona klubi raqibga xech qanday imkoniyat qoldirmadi va 2:1 natijasida zafar quchdi. Zahiradan maydonga tushgan Temur Hakimov hamda Mo'ydin Mamazulumovlar tomonidan urilgan gollarga qo'shni mamlakat vakillari bir marta javob qaytarishdi xolos.
Vadim Abramov uchrashuvda quyidagi tarkibdan foydalandi
Asosiy tarkib: O'tkir Yusupov, Dilyor Irmatov, Doston Tursunov, Kamron Kapadze, Jasur Hasanov, Abdujamol Isroilov, Abdurahmon Abdulhaqov, Mansur Saidov, Muzaffar Muzaffarov, Alisher SHog'ulomov, Otabek Haydarov
Zahiradan maydonga tushganlar: SHerzod Hakimov, Mo'ydin Mamazulumov, Avazbek O'lmasaliev, Murod To'ychiboev, Muhsin Ubaydullaev, Rizo Ayvazov, Temur Hakimov
Eslatib o'tamiz, “Neftchi” 27 iyul kuni O'zbekiston Kubogi chorak final javob uchrashuvi doirasida “Bunyodkor” jamoasi mehmoni bo'ladi. Uchrashuv soat 19:00ga belgilangan.
Bosh sahifaga
190