O'smirlar va yoshlar o'rtasidagi OCHning mezbon mamlakatlari nomi malum bo'ldi
/ Kiritdi: BestMaster O'qilgan: 1142
2018 yili o'smirlar (U-16) va yoshlar (U-19) o'rtasida bo'lib o'tadigan Osiyo chempionati final bosqichiga mezbonlik qiladigan mamlakatlar nomi malum bo'ldi.
2018 yilning 20 sentyabridan 7 oktyabriga qadar o'tkaziladigan o'smirlar (U-16) o'rtasidagi Osiyo chempionatiga Malayziya mezbonlik qiladigan bo'ldi.
Yoshlar (U-19) o'rtasidagi Osiyo chempionatlari o'yinlari esa 2018 yilning 18 oktyabr – 4 noyabr kunlari Indoneziyada bo'lib o'tadi.
Malumot uchun, U-16 Osiyo chempionatiga saralash bosqichi uchrashuvlari shu yilning 16–24 sentyabr kunlari o'tkaziladi. Dilshod Nuraliev bosh murabbiyligidagi O'zbekiston o'smirlar termasi saralash bosqichining “A” guruhidan joy oldi va OCH final yo'llanmasi uchun guruh mezboni Saudiya Arabistoni hamda Bahrayn, Iordaniya va SHri-Lankaga qarshi bahs olib boradi.
Aleksandr Mochinov boshchiligidagi O'zbekiston yoshlar terma jamoasi esa U-19 OCHga saralash bosqichining “B” guruhidan o'rin olgan. Guruhda, shuningdek, mezbon Tojikiston, Bangladesh, Maldiv orollari va SHri-Lanka joy olgan. Mazkur saralash o'yinlari shu yilning 31 oktyabr – 8 noyabr kunlari bo'lib o'tadi.
Bosh sahifaga
771