Davralar oralig'ida "Dinamo"ga kimlar keldi-yu, kimlar ketdi?
/ Kiritdi: BestMaster O'qilgan: 857
Oliy Liga davralar oralig'idagi bir oylik tanaffusda Dinamo jamoasi tarkibida bir qator o'zgarishlar yuz berdi.
Jumladan, Dinamo safida ijara asosida to'p surgan Javohir Qahramonov (Bunyodkor), Abdujamol Isroilov, Damir Nizanov (Neftchi) singari futbolchilar klubni tark etishdi. SHuningdek, yarim himoyachi Omadjon Tayloqov ham jamoani tark etdi. Dinamo klubi ushbu futbolchilarga hamkorlik uchun minnatdorchilik bildirib, keyingi faoliyatlariga omad va zafarlar tilab qoladi.
Jamoani tark etgan futbolchilar o'rniga yangi futbolchilar bilan ham shartnomalar imzolandi. Xususan, Paxtakor klubidan chernogoriyalik himoyachi Adnan Oraxovac Dinamoga o'tdi. Qolaversa, ijara shartnomasi asosida Olmaliqdan Muhammad Isaev, Metallurgdan esa Doniyor Ismoilov singari yarim himoyachilar taklif etildi.
Toshkentdagi yig'in davomida jamoa mashg'ulotlarida ishtirok etgan Andrey Sidorov, Artyom Makarchenko singari futbolchilar murabbiylar ko'rigidan keyin jamoani tark etishdi.
Eslatib o'tamiz, Dinamo O'zbekiston Kubogi yarim finali doirasida safarda 31 iyul kuni o'yin o'tkazsa, 5 avgust kuni Oliy Liga 16-turi doirasida Samarqandda Metallurg jamoasiga qarshi saf tortadi.
Bosh sahifaga
239
