Baxtiyor Boboev: "Yoshlarimiz keyingi yil yanada kuchli o'ynashadi"

"O'yinni yaxshi boshlagan edik, birinchi bo'limda qator vaziyatlar yaratdik. Lekin atigi bitta gol urdik, - deydi Boboev. 

Ikkinchi bo'limda tashabbusni raqibga berib qo'ydik. Gollarga tortadigan vaziyatlar sodir etdik, ammo faqat bitta gol urdik. Mavsum oxiri bo'lgani uchun yigitlarda charchoq alomatlari sezilmoqda. Bugungi o'yindan qoniqmadim, lekin natija meni qoniqtirdi. 

Mavsum boshida chempion bo'lish ochlda yaxshi ishtirok etish vazifasi qo'yilgandi. Tarkibimizda ko'plab yoshlar bor, ular keyingi mavsumda yanada yaxshiroq o'ynashadi. Bunga ishonaman. OCHL yo'llanmasini qo'lga kiritdik, bu eng muhimi. 

Bosh murabbiy lavozimiga faqat Igor SHkvirin emas, Mirjalol Qosimovning ham nomzodini ko'rib chiqayapmiz. Mavsum tugagach bu narsa obdon ko'rib chiqiladi. Xorijlik murabbiylar ham nomzodlar orasida bor. Hali bir to'xtamga kelganimiz yo'q. 

Bu yil kelishilgan o'yinlar soni kamaydi, bunga barchamiz birgalashib kurash olib borishimiz shart, - deydi Boboev.