Aleksandr Xomyakov: "Biz o'tgan turda "Paxtakor"ga qarshi o'yinda juda ham ko'p kuch yo'qotgandik"

"Biz o'tgan turda "Paxtakor"ga qarshi o'yinda juda ham ko'p kuch yo'qotgandik. SHu bois bugun biz asosiy etiborni himoyaga qaratdik. Qarshi hujum orqali gol urishga intildik. Afsuski bugun rejamizni oxirigacha amalga oshirishning imkoni bo'lmadi. Himoyada yaxshi o'ynagan bo'lsak, hujumda ishlarimiz yurishmadi. Butun o'yin davomida himoyalanib to'p o'tkazmaslik juda og'ir", - deydi Xomyakov.

"Taqvimga ko'ra ikki haftalik tanaffusdan so'ng oxirgi turda maydonga tushamiz. Albatta bu jamoaning o'yiniga tasir qiladi. Ammo vaziyatdan chiqib ketishga urinamiz".

"Bukatkin bugun o'ziga xos bo'lmagan hujumkor yarim himoyachi rolida o'ynadi. Bundan tashqari sariq kartochka ham oldi. SHu bois uni tanaffusda almashtirishga qaror qildik".

"Paxtakor"ga qarshi o'yinda ikkala golni ham qo'shimcha daqiqalarda o'tkazib yubordik. Bu bizga xos emas edi. O'sha o'yin ham yigitlarning ruhiyatiga tasir qildi", - deydi Xomyakov.