Kurtua: "Hakam yo'q penaltini belgiladi, Aspilikueta to'pga o'ynadi"

"Yaxshi o'yin ko'rsatdik. Birinchi bo'limda ikki jamoa ham to'pga egalik qildi. Ularda o'yin boshida imkoniyat bo'ldi, men jamoani qutqarib qoldim, ammo birinchi bo'lim oxirida hakam yo'q penaltini qo'ydi. Aspilikueta to'pga o'ynagan edi. Penaltini qaytardim, ammo ikkinchi zarbaga ulgurmadim.

Ikkinchi bo'limni yaxshi boshlay olmadik, yaxshi seyv amalga oshirdim. Jamoa hujum tashkil qilish bilan band bo'lganida, ular bizni qarshi hujumda tutib olishdi. Bu "Bavariya"ga qarshi o'yinga o'xshab ketdi. Qarshi hujumlarni qaytarish ustida ishlash kerak" - deydi Kurtua.