Oleg Tyulkin: “Final taqdiri Samarqandda hal bo'ladi”

- Bugungi o'yin uchun yigitlarga rahmat. Ular biz murabbiylarning ko'rsatmalarini to'liq bajarishdi. Uchrashuv uchun himoyadan o'ynash, tartibli harakat qilish taktikasi tanlangan edi. Buni futbolchilar uddalashdi. Faqat hujum chizig'ida ozgina omadimiz kelmadi. Endi final taqdiri Samarqanddagi javob uchrashuvidan so'ng hal bo'ladi. Fursatdan foydalanib, bugungi o'yinda yigitlarimizni qo'llab-quvvatlab turgan jamoamiz muxlislariga minnatdorchilik bildirmoqchiman.

- Hozircha yarim final javob uchrashuvining qachon o'tkazilishi malum emas. Siz uchun o'sha o'yinning shu bir haftaning ichida o'tkazgan afzalroqmi yoki jamoangizning yangi futbolchilari to'liq klubga moslashib ketgan mavsum so'nggidami?

- Siz to'g'ri takidladingiz, jamoamizning to'liq shakllanib olishi uchun ozgina vaqt kerak. Jamoada potencial yuqori, faqat futbolchilarning bir-birlarini tushunib harakat qilishlarida kamchiliklar bor. Bu holat bugun hujum chizig'ida ham ko'zga tashlanib qoldi. Aks holda bugun Samarqandga g'alaba bilan qaytishimiz ham mumkin edi.