Oliy ligaga Avstraliyadan futbolchi kelmoqda
/ Kiritdi: BestMaster O'qilgan: 1087
Avstraliyaning "Pert Glori" klubi yarim himoyachisi Rostin Griffits yaqin vaqt ichida O'zbekistonga keladi.
Bu haqda championat.asia Avstraliyaning dailyfootballshow.com nashriga tayanib xabar bermoqda. Futbolchi "Pert Glori" bilan shartnomani bekor qilgan va O'zbekistonga ketishga tayyorlanmoqda deyiladi xabarda. 29 yoshli yarim himoyachining o'rniga "Pert Glori" boshqa o'yinchi qidirishni boshlab yubordi.
Hozircha Griffits O'zbekistonning qaysi klubiga o'tishi malum emas.
Rostin Jon Griffits 1988 yil 10 mart kuni Angliyada tug'ilgan. Tayanch yarim himoyachisi. "Blekbern Rovers" klubi tarbiyalanuvchisi bo'lgan futbolchi 3 yil davomida shu jamoada faoliyat olib borgan, biroq APLda maydonga tushmagan. Faoliyati davomida "Akkrington Stenli", "Adelaida Yunayted", "Nort Kuinsland Fyuri", "Central Kost Mariners", "Guanchjou RF", "Roda" kabi klublarda o'ynagan. Avstraliya o'smirlar terma jamoasi safida 2ta o'yinda maydonga tushgan.
Yarim himoyachi Avstraliya fuqarosi hisoblanadi va oliy ligaga kelsa osiyolik limitiga mos tushadi.
Bosh sahifaga
1878