Simeone: "Grizmannga dunyoning eng yaxshi klublari qiziqayotganidan xursandman"

Antuan Grizmannga top-klublar tomonidan bildirilayotgan qiziqishlar "matraschilar" ustozini mamnun qilmoqda.

Yoz boshida francuz "Manchester Yunayted"ga o'tishga juda yaqin kelgan edi, yaqindagina esa "Marca" nashri Antuan "Barselona"da Neymarning o'rnini egallashi mumkinligini yozdi.

"Bunday qiziqishlar meni qo'rqitmaydi. Aksincha, dunyoning eng kuchli klublari bizning o'yinchilarga qiziqish bildirayotgani xursand qiladi.

Bu jihat ular haqida, biz va bizning ishimiz haqida ko'p narsalarni aytib turibdi va bu meni quvontiradi. SHunga qaramay, klub bunday darajadagi o'yinchilarni olib qolish uchun barcha ishni qiladi", - dedi Simeone.

O'tgan mavsum 26 yoshli Grizmann "Atletiko" tarkibida 53ta o'yin o'tkazib, 26ta gol urdi va 10ta golli pas berdi.