“Istiqlol” jamoasi ikkinchi davraga Toshkentda tayyorlanmoqda FOT

Farg'onaliklar ayni damda Toshkentda yig'in o'tkazishmoqda. 28 iyuldan poytaxtda yig'ilgan “Istiqlol” futbolchilari 10 kun davomida “O'zbekiston” mexmonxonasida istiqomat qilishadi.

Jamoa mazkur yig'in davomida 3 ta nazorat o'yinini o'tkazishni rejalashtirishgan. Dastlab “Lokomotiv-BFK” bilan bahs olib borgan “Istiqlol” vakillari, kecha “Lokomotiv” o'rinbosarlari bilan 2:2 hisobida durang o'ynashdi. Keyingi nazorat o'yini esa “Obod” bilan bo'ladi.

Jamoa bosh murabbiyi Usmon Asqaraliev tarkibga bir qator tajribali futbolchilarni taklif etmoqda. Sanjar Asqaraliev, Elyor Akbarov, Nodir Ashurmatov, Ali Rahimzoda ayni damda “Istiqlol” safida shug'ullanishmoqda.