Ro'ziqul Berdiev: "Paxtakor" ikki futbolchimiz uchun bir milliard so'm to'ladi"

"Himoyada qo'pol xatolarga yo'l qo'ydik va uchta gol o'tkazdik. Raqibning kuchli tomonlarini o'rganib chiqqandik. Bugun himoyadagi vazifamizni bajara olmadik. Hali kurash davom etadi, "Nasaf" o'z muxlislari qarshisida oxirigacha o'ynaydi. Urgan golimiz javob o'yinidan oldin bizga katta yordam beradi.

Zaxiradan maydonga tushgan Narzullaev Kenjaboevdan kuchliroq o'ynadi. Erkinov o'yinimizni kuchaytirdi, ammo vaziyatlardan foydalana olmadi.

Azamov va Suyunov bizning etakchilarimiz edi. Ikkala futbolchiga omad tiladik. Yangi futbolchilar jamoamiz o'yinini kuchaytirishga ishonaman.

Krasichni jamoaga qaytirishni istagandik. Ammo u Armaniston klubi bilan kelishib qo'yganini aytdi. O'zimizga munosib legioner topa olmadik. Yaxshiroq legioner esa katta pul turadi.

SHerzod Azamov va Eldorbek Suyunovning transferidan tushgan pullarni futbolchilarga oylik maoshlariga ishlatdik. Klub vakillaridan ikkala futbolchi uchun "Paxtakor" bir milliard so'm to'laganini eshitdim.

Bu yil yuqori o'rinlar uchun kurashayotgan jamoalar ko'paydi. Bu odamni quvontiradi", - deydi Ro'ziqul Berdiev.