"Navbahor": Ikkinchi davra boshlanmoqda

Jamoamizni “Obod”ga qarshi uchrashuvga tayyorgarlikni Toshkentda olib borayotganligidan xabaringiz bor.

Futbolchilarimiz 16-tur uchrashuviga ko'tarinki kayfiyatda hozirlik ko'rishmoqda. Hafta boshida tibbiy ko'rikdan o'tgan futbolchilarimizning yakuniy tibbiy xulosasi bugun malum bo'ladi. SHuningdek, bugun jamoamiz vakillari davralar oralig'ida tarkibga jalb etilgan futbolchilarni PFLda ro'yxatdan o'tkazishadi. “Obod” bilan o'tadigan uchrashuv esa 5 avgust kuni Toshkentdagi “Jar” o'yingohida soat 17.30da boshlanadi. Bir kun oldin bo'lib o'tadigan yoshlar o'rtasidagi bahs ham 17.30da start oladi.

Yoshlar ishtirokidagi o'yin “Obod” jamoasiga qarashli maydonda bo'lib o'tadi. Avval “Navbahor” va “Obod” jamoalari o'rtasidagi bahsni Olim Tolibjonov boshchiligidagi hakamlar brigadasini boshqarib borishi haqida xabar bergandik.