Dembele: “Barselona”da o'ynashni orzu qilaman”
/ Kiritdi: BestMaster O'qilgan: 1217
“Borussiya” Dortmund hujumchisi Per Obameyang Tvitter ijtimoiy tarmog'idagi sahifasiga audioyozuv joylashtirdi.
Jamoatchilikning etiborini qaratgan ushbu tvitda gabonlik hujumchi jamoadoshi Usmon Dembelening 2016 yil fevraldagi intervyusini joylashtirgan. Ikki daqiqalik audioyozuvda Dembele va jurnalist o'rtasidagi suhbatdan parcha keltirilgan. Suhbat so'ngida OAV xodimi Dembeledan qaysi jamoada o'ynash niyatida ekanligini so'ragan, francuz futbolchisi esa: “orzuim “Barselona”da to'p tepish” deya javob bergan.
Bu holatni ko'pchilik Dembelening “Barselona”ga o'tishiga ishora deb tushunmoqda. Kataloniya klubi jamoani tark etayotgan Neymarning o'rnini aynan ushbu futbolchi bilan munosib tarzda to'ldirishga harakat qilmoqda.
Ilgariroq “Borussiya” rahbariyati 100 million evro evaziga ushbu futbolchining transferi borasida muzokaralarni boshlashi mumkinligi haqida xabarlar chiqqandi.
Bosh sahifaga
87