“Nasaf” - “Qo'qon-1912”. Prevyu

Uchrashuv 6 avgust yakshanba kuni Qarshi shahridagi “Markaziy” stadionda soat 19:30da boshlanadi.
 
O'zPFL 16-tur
“Nasaf” (Qarshi) – “Qo'qon-1912” (Qo'qon)
06.08.2017. “Markaziy” stadion. 19:30da
Bosh hakam: Vladislav Ceytlin (Toshkent)
Yordamchi hakamlar: Aleksandr Sidorov (Toshkent), Doniyor Saylalov (Toshkent)
Zaxira hakami: D.Karimov (Toshkent)
Nazoratchi: Dmitriy Roman (Toshkent)
O'zPFL vakili: Roman CHernikov.

Uchrashuv ahamiyati haqida

Ushbu uchrashuv jamoamiz uchun katta ahamiyatga ega. Bu uchrashuvda g'alaba qozonsak, turnir jadvalining 2-pog'onasiga ko'tarilib olishimiz mumkin. SHuningdek mazkur jamoalar o'rtasidagi bu bahs, 16-turning markaziy uchrashuvi ham hisoblanadi. 

O'zaro uchrashuvlar raqamlarda

Mazkur jamoalarning oliy ligadagi o'zaro uchrashuvlari tarixiga nazar tashlasak, jamoalar bungacha 15 marta tuqnash kelishgan. SHundan 11ta uchrashuvda jamoamiz g'alaba qozongan. 4 uchrashuvda qo'qonliklarning qo'li baland kelgan. Eng qiziqarlisi jamoalar chempionatdagi o'zaro uchrashuvlarda hanuzgacha durang natija qayd etiishmagan.

To'plar nisbati bo'yicha ham ustunlik jamoamiz tomonida 32-19.

Birinchi davradagi o'zaro uchrashuv haqida

Mazkur jamoalar bu yilgi chempionatning 1-tur uchrashuvini 4 mart kuni Qo'qonda o'tkazishgan. Uchrashuvda jamoamiz 2:1 hisobida g'alaba qozongan. Uchrashuvdagi jamoamiz gollarini Bahrom Abdurahimov va Dragan CHeranlar kiritishgan.

O'zaro uchrashuvlardagi yirik hisoblar

Jamoamizning o'zaro uchrashuvlarda qozongan eng yirik g'alabasi – 4:0ga teng. “Qo'qon-1912”da bu ko'rsatkich 3:0ga teng. Tarixda qolgan bu uchrashuvlar 2003 yili bo'lib o'tgan, “Nasaf” – “Temiryo'lchi” 4:0 uchrashuvida jamoamizning o'tmishdagi to'purari – Zafar Xolmurodov xet-trik qayd etgan va Dilshod Mavlanov bir marta gol muallifi bo'lgan. Ikkinchi davrada Qo'qonda bo'lgan uchrashuvda esa SHuhrat Rahmonqulov dublni nishonlagan, SHuhrat Yusupov esa darvozamizga bitta to'p yo'llagan.

Jamoalarning navbatdagi uchrashuvi 16-uchrashuv sifatida tarix sahifasidan joy oladi. Bu uchrashuv, “Nasaf”ning oliy ligadagi 604- uchrashuvi hisoblanadi.

Ushbu  uchrashuv qanday yoritiladi

Bo'lajak uchrashuvni odatdagidek saytimiz orqali to'liq onlayn matnli translyaciya qilamiz. Uchrashuv “Markaziy”da bo'layotgani sabab, matnli translyaciya davomida etiboringizga suratlar va gollarni taqdim qilib boramiz.

Aziz futbol ishqibozlari, “Markaziy” sizga muntazir!

Yuqorida takidlaganimizdek 6 avgust kuni bo'ladigan “Nasaf” – “Qo'qon-1912” jamoalari o'rtasidagi uchrashuv juda qiziqarli va murosasiz kurashlarga boy bo'lishiga hech qanday shak-shubha yo'q.

Mana shunday qiziqarli uchrashuvni “Markaziy”ga kelib, misli Evropacha stadionda tomosha qilishning o'zgacha zavqi bor. Yangilangan stadionimiz ayni paytda mamlakatimiz futbol ishqibozlarining havasini o'yg'otadigan darajada. Qolaversa, “Nasaf” jamoamiz chempionatimizda ham, kubok bahslarida ham eng qiziqarli va muxlisbop o'yin ko'rsatayotgan kamsonli jamoalardan biri bo'lib turibdi.

SHunday ekan, kelayotgan yakshanba kuni barcha futbol ishqibozlarini “Markaziy”ga taklif etamiz.